Aaj rote rote yaad hi nhi raha ki kab raat ho chali thi aur aankho me nind bhar gayi thi.

Subah hui to pardon se andar aati hui dhoop ne jagaya, uthkar kambhal sameta aur kamere me us roshni ko aane dia. Unke daftar jane ka time hone vala tha islia bina kuch soche bas chouke ki auoor nikal padi, sirf ye dekhne ki, neeche vali kirane ki dukaan se aaj kaun si sabziyaan mangvani h, aaloo aur pyaaz ki tokri khangaate huye ek pyaaz neeche gir gaya aur maine dhyaan bhi na dia. Fir bhi jaldbaazi me… kahi der na ho jaye unhe daftar jaane me aaj.. nahi to fir se mujhe hi daant padegi.

Vapas kamre me jakr apni baaliyan almaari me us dibbi me rakhi jo unhone mujhe Jaipur se la kr di thi. Geyser chalu kr k vapas kitchen me chali gayi unke lia khana banane… fir darvaze ki ghanti baji aur main gas on kr k bhagi darvaze ki oor… ki kaam vali ne darvaze k us araf se awaz lagayi ” didi kholo main hu”, maine bola “aati hu ruk ja Ruby”, darvaza kholte hi usne bola “masala jal raha h didi, kya bana rahi ho aap” maine bola “unke lia khana, chal haath bata mera vrna unhe daftar k lia late ho jaeygi”, Ruby ne meri taraf dekh kr bola “didi, aaj teervai h unki…”